Osasunerako Hezkuntza

Ohitura osasungarriak

Euskadiko Bosko Taldea Federazioak, kide diren elkarte guztietan, droga mendekotasunaren aurkako prebentzioan, elikadura-jokaeren asalduran, gazteekiko bortizkerian eta jokaera sexualen erantzukizunean oinarritutako programa garatzen du, arrisku sozialean dauden gazteei laguntza eskaini nahian.

Gazte aisiarako dauden eskaintza pribatu desberdinak prebentzio-behar hauetaz ez dira inondik inora arduratzen; aitzitik, haietariko gehiengoak egoera hauek bultzatzen ditu.

Horregatik, gure entitateak programa mota hau 1998tik garatzen du Balio Hezkuntzaren eta In­tegrazio-programen osagarri bezala, egoera hauen aurrean arreta fin­katu nahian eta garrantzi gehiago emanez beraien egunerokoaren parte diren elkarteetan.

Hauek dira programa honen bidez lortu nahi diren helburuak:

- Gazteen alkoholaren eta beste drogen gehiegizko kontsumoaren prebentzioa.

- Gazteek bizi-ohitura osasungarriak lortzeko informazioa bereganatzea.

- Osasunaren kalterako arriskuen aurkako jarreren sustapena.

- Sexu-transmisioko gaixotasunak eta ez-desiraturiko haurdunaldiak saihesteko jarreren garapena.

Programa, beraz, elkarte bakoitzeko animatzaileek gainontzeko elkarteekin koordinatuz hurrengo prestakuntza-eskaintza burutzean oinarritzen da:

- Kanpainak eta lehiaketak

- Kanpamentuak eta udalekuak

- Bitartekarientzako prestakuntza-ikastaroak

- Sormena lantzeko tailer-artistikoak (antzerkia, dantza, musika...)

- Mahai-inguruak, hitzaldiak, konferentziak...

- Kirol jarduerak

- Heziketa-taldeak

- Eskatzen duten kasuetan, norbanakoaren nahiz sendiaren gertuko jarraipena.

Egutegia
July 2020
M T W T F S S
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
Hurrengo ekintzak
No events
Arriba